IOHANNES Faustus

IOHANNES Faustus

vel Fust, primariâ Moguntinae in Germania familiâ natus, aurifabrilem primo, secundum quosdam, artem exercuit, Typographiae dein invento circa A. C. 1450. evasit clarissimus. Is enim non tantum typos singularesex aere primus efformavit, sed etiam princeps omnium typis descriptos libros orbi obtulit et communicavit: circa A. C. 1454. Exstat in Bibliotheca Academica Basileae Officiale Durandi, cum hac subscriptione: Ioahnnes Fustius, civis Moguntinus excudit, per Petrum de Gernsheim, A. C. 1459. Prope cuius aedes cum habitaret Ioh. Gutenbergius, de quo vide suo loco: hic familiariate cum Fausto contractâ, pecuniam ei ad sumptus obtulit, stipulatus, ut quidquid in illud opus impenderetur, communi utriusque lucro vel damno cederet. Postea exortâ inter illos lite, quae A. C. 1455. Iudicialis sententiâ finita fuit, Gutenbergius Arhentinam delatus, ex operis eo aliquot secum artraxit: quo tempore alii quoque, qui apud Faustum artem didicerant, eum deseruêrunt, et Francofurtum inque alia loca se recepêrunt, cum praecertim A. C. 1462. Moguntiâ captâ, direptâ ac incensâ, libertatis pristinae iacturam fecit: sic praeclara haec ars toti mundo innotescere coepit. Usus est inprimis Faustus Petro Schaffero, Gernsheimensi, postea genero suo: qui rationem invenit, quâ characteres matrici, ut vocant, in ciderentur et ex ea funderentur. Iidem attramenti impressorii gloria debetur, quam alii ei cum Gutenbergio faciunt communem. Ita Faustus, Gutenbergius et Schafferus inventae Artis triumviratum constituisse, dici possunt. De hoc Fausto lepidam narrat historiam Ioh. Walchius: Venit ist, inquit, antequam in vulgus artificium emanaret, Parisios, aliquot exemplaribus Bibliorum a se impressis instructus, quaestum illic ut faceret. Ac, postquam prius Bibliorum unicum exemplar manuscriptum 400. aut 500. coronatis venisset, Faustus sua singula 60. coronatis vendidit. Hîc primo non mediocriter mirati sunt homines, quâ factum, ut fingula sibi exemplaria exacte responderent, ut neque unicus apex per totum librum variaret:

Cunctantibus dein atque emptionem protrahentibus, suorum quaedam exemplarium Faustus 50. coronatis concessit, tandem etiam multo minoris permisit. Quod cum comperissent, qui primo maioris emerant, increbrescente interim compendii huius famâ, a Fausto deceptos se clamantes, pecuniae restitutionem ursêrunt, adeo ut illi et Parisiis et Moguntiae non parum negotii facesserent, in decad. fabular. Fabulâ 9. p. 181. Habuit is agnatum Iacobu, similiter aurifabrum. qui Consulem Moguntiae egit ipso Anno urbi fatali, de quo supra. Vide Bern. a Mallinkrot Dissert. de orut et progressu artis Typogr. et infra in voce Typographia.